港鐵粉紅兔兔紀念套票 $160帶返屋企

日本插畫家Kanahei創作嘅粉紅兔兔同小雞P助得意可愛，早已經紅遍日本同台灣，近年熱潮吹到香港，黛安同埋唔少姐妹都係佢fans！嚟緊Kanahei嘅小動物們又有新商品啦，今次係同港鐵合作推出紀念車票套裝，一套除咗有車票同票套，仲跟一款手機配件，款款都超得意，黛安睇到相已經好想買啦！

今次嘅紀念車票套裝一共有4款，包括「趴趴走篇」、「笑咪咪篇」、「排排坐篇」同「樂悠悠篇」，每款套裝分別包括一個USB充電拍拍小夜燈、便攜式充電器、藍牙耳筒、同埋藍牙微型擴音器，得意又實用。而紀念車票上就展示粉紅兔兔同P助搭港鐵遊香港，體驗地道風貌嘅情景，萌度爆燈！

160蚊就可以買到一款紀念車票套裝，今個月27號起就會陸續喺各港鐵客務中心（非付費區）有得賣喇，仲有限量版USB插頭連充電綫亦會同步發售，每套120蚊。好嘢都係數量有限售完即止，各位姊妹記得mark低日子搶購喇！