母親節陪媽媽行商場 盡享消費禮遇

今個星期日就係母親節，為咗向母親大人表達敬意，黛安已經安排好行程。黛安知道荃灣廣場今年以迪士尼做主題，喺場內設置春日限定「迪士尼春日玩樂派對」，今個星期六、日仲有免費「迪士尼即影即有照相站」，只要用QR Code下載新地商場手機App，就可以同媽咪影番張靚相留念。

太古廣場美粧日 天天有驚喜

荃灣廣場入面嘅大電視熒幕亦會化身做「愛的留言版」，經WhatsApp將你想同媽咪講嘅愛的宣言send去指定號碼，有機會可以喺母親節當日下午3點及6點出現喺大熒幕，絕對係「冧媽」高招！公關姊妹仲話，TWP VIP Club會員憑指定積分同即日消費，即可換領母親節特別禮物，就係迪士尼探索家度假酒店標準客房1晚，同香港迪士尼樂園門票3張。

影完靚相，梗係要帶媽咪掃貨扮靚啦。即日起至22號，太古廣場The Beauty Gallery會舉行「Wake up and Makeup」美粧體驗日，超過20個國際美容美粧品牌推出80項購物優惠，每日仲有唔同嘅驚喜禮遇，千祈唔好錯過啊！

行到肚餓，點少得請媽咪吃飯，慰勞佢對屋企嘅付出。銅鑼灣Fashion Walk就有好多好Chill嘅餐廳選擇，好似EAT.it係一間堅持用高質素意大利空運食材嘅餐廳，由意大利名廚Gianni Caprioli創辦，母親節當日點任何即製薄餅，就可以優惠價$68享用「Mamma Rosa特調雞尾酒」1杯同「紅絲絨杯子蛋糕」1客，蛋糕上面仲會寫住「Mum I Love You」，夠晒窩心。

Fashion Walk其他嘅商店都有唔同母親節優惠，食完飯仲可以買份禮物送畀媽咪，一齊渡過圓滿嘅一日。