環保「生態冰」溜冰場 進駐馬鞍山

炎炎夏日溜冰，雖然遍體清涼，但要勁開冷氣保持冰塊硬度，似乎唔太環保。馬鞍山We Go Mall今個禮拜六（12日）將有1個全新嘅環保「生態冰」溜冰場開幕，佔地逾1,100平方呎，冰面上面嘅潤滑劑除咗幫大家「滑溜溜」，仲可以減少出現冰碎，減省鏟冰工序，水電消耗亦可減到最低，仲無咁易溶冰，可以保持乾爽。

公關姊妹話，呢個技術由西班牙科技公司XTRAICE研發，所用生態冰百分百可回收同無毒，仲可減碳排放﹗嚟緊母親節期間，商場仲邀請咗多個專業級好手到場獻技，記住帶埋媽咪一齊去欣賞。