尖沙咀LCX Bare Bears熊派免費涼茶

夏天熱辣辣個人都燥熱啲，呢啲天氣黛安就最鍾意飲涼茶下火。黛安收到風，最近喺尖沙咀LCX打工嘅3位《We Bare Bears》主角Grizzly、Panda同Ice Bear，會喺聽日同後日（12、13日）大派免費消暑涼茶，仲隨涼茶附送3兄弟自拍照珍藏，同埋勵志語錄！

事緣位於LCX嘅「熊和堂」因為母親節要畀在職媽媽放假，因而缺乏店員，於是3隻可愛熊熊就自告奮勇做臨時店員！佢哋會喺當日嘅下午3點至6點，喺熊和堂派鮮金橘薏米水、蜜棗貝杏雪梨茶同埋馬蹄鮮茅根竹蔗水，只要出示下載咗喺手機嘅LCX App就可以拎到一支。涼茶樽上面仲會有自拍照珍藏，同埋炎夏中鼓勵各位打工仔嘅金句，發放正能量！