又屙又嘔 陳家樂去台灣無啖好食

陳家樂昨日與林夏薇、糖妹等到荔枝角，出席劇集《逆緣》宣傳活動。近日人氣急升的陳家樂自爆勁黑仔，日前去台灣工作時又屙又嘔，無緣品嘗當地美食。

陳家樂無奈地笑說：「去台灣三日兩夜都無乜食過嘢，返嚟真係要補補佢。」對於曾合作過電影《幸運是我》的惠英紅笑言日後要稱呼他做「樂爺」，家樂直言︰「佢知我劇入面做爺爺先咁講，佢係我恩人，總之佢開聲話再合作，我一定義不容辭。」

另外，同場的陳山聰提到老友吳家樂在新疆拍《包青天再起風雲》期間，於網上發文埋怨被人當透明，山聰表示︰「我有留言叫佢加油，佢好少咁嘅，亦唔知發生乜事。」

撰文：倪小珊

編輯：李潔盈

美術：梁政敏