囡囡唱廣東話兒歌 Gigi感動到喊

梁詠琪（Gigi）昨日出席老公Sergio代理的西班牙童裝宣傳活動，昨日是母親節，Gigi透露3歲多的女兒Sofia唱了一首中文兒歌給她，內容頌讚媽媽真偉大，令Gigi感動得流下一滴眼淚。

Gigi昨日與老公一同現身，並邀請好友黃婉君（Rosanne）擔任嘉賓，Rosanne兩名7歲和5歲的兒子更即場獻花，場面溫馨。問Gigi如何慶祝母親節？她說︰「我個女同咗我媽咪同婆婆去飲茶，我同老公之後再Join佢哋，其實主要係陪我80幾歲嘅外婆。」

Gigi透露女兒Sofia用通粉製作手鏈做母親節禮物，又用中文唱兒歌給她聽，令她感動不已。「我聽完流咗一滴眼淚，首歌嘅歌詞係話『媽媽好努力教她做好乖乖，媽媽我會做個好乖乖』，我聽到真係毛管戙，因為佢好少講廣東話，真係好感動，可能佢睇完我演唱會後壯咗膽。」

Rosanne着童裝裙

此外，Gigi表示親自邀請Rosanne出席活動，更大爆對方昨日穿上16歲的童裝現身。Rosanne坦言自己着得落童裝Size裙十分驚訝，又說︰「母親節囝囝送咗張卡畀我，寫住『媽咪，你鍾意白色，因為我姓白，我愛你』，好窩心。（再生多個？）我好肯定答唔會，雖然老公想生女，但細仔都五歲，再生就隔太遠，依家已經好滿足同感恩。」

撰文︰倪小珊

編輯︰李潔盈

美術︰熊偉然