全城過電 每慳1度電中電捐1度

黛安細細個已係環保小先鋒，慳電又可幫到人，仲有機會贏大獎？講緊嘅係中電「全城過電」計劃。黛安同中電總裁蔣東強傾開偈，得知即日起至8月14日，參加客戶比去年同期每節省一度電，中電就會捐出一度電畀有需要家庭，包括獨居長者、殘疾人士及劏房住戶等。捐贈電力會轉化為特別資助，由中電股東出資600萬元，每戶可獲300蚊。計劃過去3年共逾51萬戶參加，節省近3,000萬度電，相等於逾7,100個住宅家庭１年嘅用電量。

市民7月17日或之前登記參加計劃，即時可獲250中電智能積分，同埋OK便利店抹茶雪糕、美心西餅家庭裝麵包或日本城家庭裝紙巾。參加者在「全城過電周」（15-21/6及20-26/7），到呢3個品牌800多間分店，用手機掃描活動海報嘅QR code，參加問答遊戲，有機會贏得便攜式小電器或家居小電器，總值超過3萬元。