梁浸浸出發為阿嬌做花女

準人妻鍾欣潼（阿嬌）本月25日完成美加巡唱後，就會在洛杉磯嫁台灣「醫界男神」賴弘國。前日阿嬌已啟程往溫哥華開騷，而盛傳做「花女」的梁浸浸，昨日亦與媽咪鄭希怡及爸爸現身機場，似為做花女做好準備。

阿嬌前日與好姊妹蔡卓妍（阿Sa）出發去溫哥華時，雖然對婚事三緘其口，但難掩春風滿臉，據知阿Sa、容祖兒和鄭希怡等會擔任阿嬌的索爆姊妹團，至於鄭希怡的愛女梁浸浸將擔任花女。前日，鄭希怡的老公梁學儲在社交網上載一張梁浸浸坐在機艙的照片，更留言︰「holiday mode……」相中的梁浸浸戴住耳機食餅乾，十分享受，身旁的媽媽鄭希怡望住愛女就展露燦爛笑容。

此外，將飛往當地見證阿嬌出嫁的泳兒，昨日到電台訪問時表示，正物色結婚禮物送給準新娘子，泳兒說︰「會揀實用為主，揀啱就會帶埋過去，不過唔急嘅。」她又期待一班姊妹一起狂歡︰「真係未試過成班人喺外地開party，唔好話藝人，自己朋友咁玩都係好難得。」

撰文︰倪小珊

編輯︰黃寶恩

美術︰梁政敏