許冠傑想瘦10磅開騷 阿倫唱反調︰我要Keep Fat

譚詠麟（阿倫）和許冠傑（阿Sam）去年首度合作舉行演唱會，叫好又叫座，今年決定添食，將於8月5至12日舉行八場演唱會Part 2。二人昨日笑言上次個唱只唱了三分一金曲，今次要唱餘下的三分二，猶如金曲開倉，滿足樂迷要求。

兩位「樂壇大哥大」昨日以速遞員打扮現身，宣布將舉行《阿Sam &阿Tam HAPPY TOGETHER Part II金曲速遞演唱會》，二人表示上次有很多歌未唱，問無記性的阿倫可會記得歌詞？他笑言︰「依家科學進步，要我記（歌詞）就唔做！」阿Sam則會將舊曲譜上新詞，答謝歌迷支持。

屆時會否在台上跳舞？阿倫指阿Sam主動提出要跳舞，更找來排舞師Sunny Wong「加辣」，阿倫搞笑說︰「我跳鋼管舞呀！」兩人需要Keep Fit？阿Sam自言會一直做Gym，希望開騷前減十磅，但阿倫則自嘲要「Keep Fat」，又笑言早前做戶外騷，流汗已輕了四磅，加上宵夜飲下七碗胡椒豬肚湯去水，上磅即輕了十磅。

暫未考慮加場

問阿Sam會否要求阿倫一同做Gym？阿倫笑說：「阿Sam無要求，大家好過啲啦，哈哈！不過佢係我偶像，佢要求我一定做。」門票今日公開發售，會否加開日場？阿倫說︰「唔好阻住阿Sam湊孫，睇下啲飛有無畀人追甩褲先啦！」

另外，提到日本殿堂級男歌手西城秀樹前晚離世，二人得知對方離世深感惋惜。阿Sam說︰「《最佳拍檔》嗰個年代，有次去日本見過佢，嗰次係唱片公司安排見面，我好欣賞佢，好喜歡佢。」阿倫亦收起笑容，表示曾到大阪參演晚間成人清談節目時，與對方一起閒談，後來對方來香港開演唱會亦有捧場。

採訪︰Pauline

攝影︰林良明

編輯︰李潔盈

美術︰梁政敏