喜歡男人「腿粗」有力 馮盈盈情迷波牛

馮盈盈早前在節目中自爆拖初戀男友手搞到「濕晒」，被網友批評言論豪放；盈盈昨日出席活動時，強調自己已很明確交代是隻手濕，她揚言︰「我一緊張就會濕，愈諗唔好濕就會愈濕！」

馮盈盈昨日與陳家樂出席「東港城x Captain Tsubasa」球技格鬥場活動，挑戰足球競技遊戲。身穿熱褲的盈盈玩得十分投入，完全忘卻會走光的危險。一向敢言的盈盈，昨日亦大方表示覺得識踢波的男人特別吸引，尤其喜歡男人腿粗，她說︰「識踢波嘅男仔會加分，佢哋腿粗夠晒力，我男朋友打曲棍球都腿粗，有次我隻涼鞋斷咗帶，佢孭起我去買鞋。」身為港姐的盈盈，不時在街上旁若無人與男友有親暱舉動，盈盈嬌嗲表示︰「咁我做嘢辛苦，好攰，咪挨住佢行囉，其實係好浪漫。」

家樂無被Auntie催婚

至於陳家樂日前被拍得與女友余香凝的家人飲茶，問他是否傾禮金？家樂即緊張表示︰「唔係呀，未去到呢個階段，普通聚會啫，我同Auntie間中都會見面。（有無催你哋結婚？）無，但我會努力。」家樂又自嘲對鏡頭敏感度不足，所以經常被偷拍，他續稱︰「之前架車畀人影到車廂好亂，依家執番好喇！」

撰文︰倪小珊

攝影︰林良明

編輯︰黃卉彤

美術︰梁政敏