示範8,000萬珠寶 朱千雪等醫生男友送鑽飾

有樣貌又有學歷的前港姐朱千雪，16年被爆情傾醫生男友Justin，男友家底豐厚，絕對襯得起朱千雪。不過二人拍拖以來，男友仍未送上第一件名貴首飾，朱千雪笑言將來結婚，也希望未婚夫會送首飾，不一定要價值連城，最緊要有心思。

朱千雪昨日一身高貴打扮，示範總值逾8,000萬元的名貴珠寶首飾。事後千雪受訪時自言十分緊張，因為除了台慶外，很少機會戴如此貴重的鑽飾，最怕遺失賠不起。她又笑言家中沒有名貴首飾︰「最有紀念價值嘅首飾係大學畢業時，父母送嘅鑽石耳環同手鏈，我哋三姊妹大學畢業，父母都會送一套畀我哋，好有紀念價值，放喺保險箱唔捨得戴。」

問到男友Justin有否送她首飾？千雪笑言仍未收過，不過她覺得自己買最開心，始終自己最清楚哪些款式最適合。她說︰「當然希望將來結婚，未婚夫會送畀我啦！價值唔重要，最緊要有心思。（自己設計首飾？）都想試下，睇睇將來有無機會，我比較鍾意設計戒指。（會唔會期待男友送畀自己？）哈哈，我諗佢可能做錯事喎，當然都想有一日，男友會帶我去揀。」

明年法律博士畢業

目前正攻讀法律博士學位的千雪透露，還有一年多才畢業，現在每日都埋首溫書，幾乎足不出戶，因此偶然出席這些活動也不錯，賺外快之餘也可以扮靚，不用生活這麼枯燥︰「暑假有機會想出活動、拍劇同旅遊節目，唔想咁休閒。」

採訪、攝影︰Pauline

編輯︰李潔盈

美術︰梁政敏