伍詠薇做Bosco阿媽無包袱

伍詠薇昨日到商台宣傳劇集《飛虎之潛行極戰》，劇中飾演唯一女反派的她，雖然只比黃宗澤（Bosco）年長11歲，但卻要演對方阿媽。伍姑娘大方說：「我唔會抗拒同Bosco做母子，初初知道佢做我個仔，我淨係諗佢好高大，其實我大佢11年咋。我明白好多女演員都有包袱，擔心做咗人阿媽再返唔到轉頭，我覺得主要睇劇本，就算將來角色有個孫我都無問題。」首次拍網劇的她，終於感受到網民及點擊的威力，直認劇集播出後，多了不少內地商演機會，也有不少觀眾關注她：「好多人問我用咩唇膏、件衫邊度買，我好開心，無諗過人哋會咁問我。」