大角咀多給人舊區的感覺，食肆偏「老餅」，不過隨着新大廈、酒店陸續落成，這區早已步向年輕，近年更有股創新西式風味吹襲區內；今次先帶你品嘗貼地價法國品牌餐廳、獨創Gimmick甜品、令人又愛又恨的牛油果餐，最後帶你到高質Livehouse chill歎美食與音樂，保證令你對大角咀另眼相看。
1.$22髒髒包【法味朵風Brioche Dorée】
法味朵風Brioche Dorée是法國同名品牌於香港的總代理，有法國名牌在背後支援，用料、品質及款式自然有保證，再加上位近高尚住宅，不用想也知一定貴得離地；誰料實際上完全相反，食物價錢不止貼地親民，性價比甚至跑贏大部分落在平民區的西餐廳。品牌更會定期派法國師傅到店內，為食物質素把關，給予建議。
雖說是法國著名F&B品牌，質素又有多好？Brioche Dorée在法國有足足400多間分店，全球則有逾500間，不得不提的是品牌引以為傲的麵包及麵粉類製品，Brioche Dorée的麵包坯底，全部精選法國本土天然無添加麵粉、高品質黃油以及專用酵母，以法國傳統揉製工藝製成。所有麵包產品，均在法國總部工廠裏製作完成，再利用-30℃的太空鎖鮮技術保存，送達各地，務求再現和法國本土一樣的味道，是名副其實擁有「法國國籍」的麵包。負責人Jeff指︰「唔同地方嘅氣候、環境都會影響到麵包做出嚟嘅質素，品牌為咗令麵包質素一致，就會喺法國做好再空運去唔同地方。」
Jeff又笑言︰「喺香港做飲食特別難。」立足應有盡有的美食天堂，服務嘴刁的香港人，又怎能只靠食品牌老本？除了高質法國麵包，餐廳也自創了不少Fusion款式，例如以「法國國籍」的麵包造出紅遍中韓台的髒髒包、以日本黑毛豬配西班牙紅飯，款款都令人垂涎三尺。
法味朵風Brioche Dorée
地址：大角咀櫸樹街88號奧柏‧御峯地下G07-08號舖
電話：2336 3629
營業時間：星期一至日，8am-9pm
2.$68 黃金心太軟【The Staff】
The Staff位於Office區，之所以叫「The Staff」，是老闆想附近寫字樓無論是老闆還是任何職級，都可以像員工一樣開開心心，Casual地一齊坐低食飯。事實當真如此？堂堂一間西餐廳，能有懷舊小店般的人情味？
負責人Issac告訴你︰可以。Issac由16歲開始做飲食業，說來有趣，原因竟是因為自己性格偏向急躁，想令自己脾氣收斂一點。由茶記水吧做起，輾轉間去了中環的Bar做調酒師，後來又到過不同餐廳工作，修得一身對飲品調配的創念，還有對揣摩客人心思、習慣的能力。上年年尾來到The Staff的他，已經由起初的急躁進化成有幹勁有創意的經理，Issac笑言︰「上年聖誕喺度搞咗個抽獎，情人節嗰晚仲搞咗個係抽樓上酒店房。」單是想像已覺得開心又應節，恰如餐廳命名的緣由。
餐廳飲品調配及款式尤其出色，Issac對這部分功不可沒，他說︰「老闆想畀一個平台年輕人發揮，有個後生仔對研究Moacktail好有興趣，我都會好願意去畀意見佢。」有年輕一代的嘗試，加Issac的經驗之談，餐廳Drink list杯杯都令人期待。
The Staff
地址：大角咀利得街36-38號
電話：2152 2188
營業時間：星期一至六，11:30am-10:30pm（9:30pm Last order），星期日休息
3.$68 從不喜歡牛油果【Have A Good Day】
區內的Café小店「Have A Good Day」，店名充滿正能量。四面落地玻璃窗，讓陽光灑進來，洋溢溫暖氣息；店內更放了一本快樂主題的外國勵志漫畫，看出店主想將快樂的種子傳播開去。情侶店主Matthew和正職空姐的Toby，兩人原是幼稚園同學，3年前重逢擦出愛火花，3個月前夥拍Toby大學同學空少Ted開了這間溫馨西餐小店。
Matthew曾任職酒店西廚，認真的下廚精神延續到店中。開店前，不少人看淡小店難經營，沒區內客會欣賞。然而他與女友選擇相信自己，落足心機做好出品。「呢度好似日本漫畫嘅《深夜食堂》，我想將美味嘅食物帶畀客人。我哋將旅遊意大利時食過嘅美味菜式都放返喺舖頭。」Matthew說。
Have A Good Day
地址：大角咀櫸樹街88號奧柏‧御峯商場地下G3號舖
電話：6558 6343
營業時間：星期一至日，9am-10pm
4.$98法國熱融蜂蜜芝士配法式麵包【Lost Stars Livehouse Bar & Eatery】
香港的Live house生存不容易，租貴又難維生，埋沒大家欣賞好音樂的機會。好在還是有心人，一位Café老闆、一位舞台音響師及一位音樂Event搞手，就在這區開了一個集Live music、Cocktail、美食於一身的空間，一次過滿足3個願望。
這裏定位以Live house酒吧為主，下午會供應午餐，晚上則是以配酒Tapas為主。這裏最體貼是安排了不少本地Indie、Classic、唱作人等演出，為了尊重表演者，每晚8pm-9:40pm表演期間會暫停點餐，以免影響演出，每場表演每20分鐘有休息時間，客人可於這時下單，不但演出者舒服，聽眾亦可與朋友輕鬆交談，享受音樂、聚會、美食與Cocktail。
為了加強這裏的音樂元素，由店名到Cocktail名稱都是以歌曲命名，大家可以透過歌曲曲風估計一下Cocktail味道。調酒師好搞鬼，以情歌命名的Cocktail會調校得甜一點，例如Rihanna的冧歌《We Found Love》就配上日本清酒及荔枝甜酒等，口味甜過初戀，令人一飲就「Found love」。
Lost Stars Livehouse Bar & Eatery
地址：大角咀利得街11號利奧坊一期地下506號舖
電話：2337 6728
營業時間：星期一至日，12nn-2am
備註︰①表演時間8pm（星期三至五）、7︰30pm（星期六）、3pm（星期日）；表演時間將於6月更改
②當日演出者可於餐廳Facebook查看
撰文︰何美澄
協力︰Carol
攝影（部分）︰林良明
插畫︰何樂
編輯︰余運慶
美術︰梁政敏