黛安
黛安

雪花臉譜系列來港 品嘗高品質啤酒

發佈時間: 2018/05/21

雪花臉譜系列來港 品嘗高品質啤酒

仲有唔夠一個月就係世界杯,最好當然係歎住啤酒睇比賽。黛安就收到風,知道華潤啤酒旗下嘅雪花啤酒臉譜系列正式登陸香港,仲喺上星期舉行咗記者會,參與者逼爆灣仔華潤大廈50樓嘅頂層!

公關姐妹話,華潤啤酒喺舊年嘅總銷量達1,181.9萬千升,全國銷量第一,佔有中國啤酒市場近27%份額,認真厲害。適逢今年係華潤集團成立80周年,雪花啤酒(香港)有限公司決定喺香港推出極富中國經典文化氣息、超高檔嘅啤酒「臉譜」系列產品,希望帶畀香港啤酒愛好者高品質嘅體驗。

姐妹話,記者會當日出席嘅機構包括香港餐飲聯業協會、酒店及飲食專業人員協會、香港專業品酒師協會等,人才濟濟,同業都非常捧場。大會就請嚟著名變臉大師韋飛雄做變臉表演,睇到在場人士個個拍爛手掌,仲有模特兒以「花旦」裝扮行cat walk,將經典文化同現代時尚完美結合。

撰文: 黛安 消息特靈八卦公關
欄名: 八卦名利場