羅家英偕阿姐睇世界杯

四年一度球壇盛事世界杯下月開鑼，一班藝人早前為ViuTV宣傳世界杯，率先進行大挑戰。每逢大型足球賽事必定捧場的羅家英，今年將與太太汪明荃到俄羅斯現場直擊，他直言睇好「黑馬」比利時。家英哥稱體能好是作為足球員的先決條件，故他找來後輩林芊妤（Coffee）鬥長氣，家英哥以長氣見稱，然而面對陀B的Coffee仍甘拜下風，身為瑜伽導師的Coffee直言經常要練氣，而家英哥則取笑她說︰「女人向來都好長氣，有名你叫，佢哋係『長氣婆』。以前我都長氣，不過做完手術後，個肺細咗，已經無咁長氣喇。」

此外，梁漢文和許志安兩位好友兼波友，同場鬥「的波」，最後安仔以多六球撼贏梁漢文。安仔回想童年穿人字拖「的」西瓜波，並表示：「西瓜波有一個位好硬，記得細個穿人字拖時，一踢到個位，真係勁痛，到現在仲記得。」