大家樂獲資歷架構第四級認證

大家樂集團噚日喺香港青年協會大廈舉行咗「資歷架構課程畢業禮」，原來係慶祝「餐飲業區域管理高等文憑」課程，成功獲資歷架構第四級認證，係業內第一間餐飲企業拎到，真係可喜可賀啊！

大家樂集團首席執行官羅德承話，大家樂重視顧客之外，亦都好重視每位「大家樂人」，目前已有超過800名員工取得「過往資歷認可」資歷級別第二至四級認證，包括速食餐飲、機構飲食、休閒餐飲、中央產製中心等唔同職級嘅員工，鼓勵員工積極裝備自己，同時提升佢哋嘅晉升機會。

公關姐妹話，噚日出席典禮一齊見證學員畢業嘅包括教育局助理秘書長（延續教育）黃奕衡、資歷架構秘書處總經理黎英偉等，非常支持。