偶爾驚喜民間相

筆者自十多歲在加拿大上中學時，考過駕駛執照，記憶中坐上Driver位駕車次數寥寥可數。離開多倫多後，前往路窄兼交通頻繁的倫敦繼續上課，自駕的意慾更低！

不太明白座駕名氣代表身份的心理狀況，你就是你，車就是車，大不了代表閣下付得起錢買車，其他……鮮見真正汽車品味。

死一世，唔死大半世，自己從未擁有座駕，自由自在，行出街，所有公共並計程交通工具都為我服務，打死都唔信，閣下架勞斯萊斯貴得過一列地鐵？貴得過架巴士？的士一日24小時服務，主客皆來去自如。

坐公車還有不少樂趣，眼前民間風景豐盛，靚人、醜人、好人和小人，真是乜人都有！既非演藝製作，也非專人編排，以至自然行為演繹，幾乎每次坐公共交通工具都得着一些小趣味，還是免費的。

日前坐港鐵見一位女乘客，將照片拍下原為對方胃腩比較肥厚，心諗︰胃腩是如何煉成的？拍下照片再審視，一身印度人繽紛Sari色彩，舊時人會戲稱「姣屍燉篤」，今人好運，社會風氣已改變，就算身穿一身五顏六色，圖案撞到九彩的衣服亦毫無問題。眼前這一位明顯已過60歲的姐姐，由頭到尾，連手袋都艷麗非常，看在眼裏心感今天行運，好一片小驚喜！

（本欄逢周三至五刊登）