任《東方華爾街》監製 劉華隱藏自己做新一季伏綫

劉德華昨日以監製身份出席迷你劇《東方華爾街》的全球發布會，首次擔任劇集監製的華仔，直言要謹慎控制資金，才能順利完成劇集拍攝；問到電視出身的他，會否在劇集現身？華仔笑言要留待做新一季伏綫。

華仔昨日率領吳鎮宇、張孝全、譚耀文、廖啟智、張可頤、陳家樂及蔡潔等一眾演員到尖沙咀，出席今晚首播的《東方華爾街》全球發布會。眾演員輪流發表拍攝感受，其後導演黃國強及監製華仔上台分享，華仔更提到認識黃國強的經過，大爆對方因沒有工作，曾在自己公司「踎」了半年，為電影做資料搜集。華仔表示︰「雖然我係（導演）老闆，但唔會因為我係劉德華就一拍即合，都要跟足程序去做，將五集故事寫晒出嚟，用幾多錢投資、有乜卡士，全部都要列晒出嚟。」

墮馬意外未能探班

事後華仔、黃國強及福斯傳媒集團高級副總裁嚴嘉念一同接受傳媒訪問，黃國強大爆桂綸鎂是劇中的神秘伏綫，是下一季其中一個大人物。至於第二季會否有華仔出現？華仔即笑笑口表示︰「我係再下一次嘅伏綫。」他大讚劇集效果達到自己要求，又稱用五集講述20年來的金融風暴，即平均一集講四年，所以叮囑觀眾不要錯過任何一集。華仔又提到劇集剛開拍時，自己因發生墮馬意外，所以攝製隊到馬來西亞外景時，也未能前往，令他有少許內疚，他說︰「到後期要做剪接同做CG，自己先可以坐喺到幫手。」

未聽過「四大外父」

問到是否認為時下電視劇質素偏低，所以要拍這類題材？華仔指︰「歐美題材會比較廣啲，香港就無咁廣，唔同嘅人就拍出一啲唔同要求嘅嘢。香港劇集係適合一家大細去睇，網劇就可以令到大家深入去思考內容。」提到黎明早前榮升爸爸，有網民將四大天王歌詞改篇了一首串燒歌《四大外父》，華仔即表示︰「係咩？開心就得，最緊要唔係Negative（負面）就得㗎喇！」

撰文︰倪小珊

編輯︰李潔盈

美術︰梁政敏