鎮宇谷肥張孝全拉近距離

吳鎮宇昨日在迷你劇《東方華爾街》發布會上，被踢爆每去到一個地方拍外景，都會拉大隊品嘗當地美食，鎮宇即笑言︰「請人食嘢，係因為想同張孝全拉近距離，因為佢真係好fit，要谷肥佢，點知佢食極都係咁fit，我反而肥咗。」張孝全則自爆得知會與鎮宇合作後，即十分緊張，而且兩人開工第一日便要喝酒，鎮宇表示︰「嗰日我帶咗兩支酒嚟，同孝全、張可頤、譚耀文拍一場戲，開頭驚四個人難溝通，點知飲咗酒之後，拍得好順利。」