吳卓羲爆《飛虎》組班開火鍋店

近年不少圈中人進軍飲食界，百足咁多爪的三哥苗僑偉就藉新劇《飛虎之潛行極戰》氣勢，拉攏劇中演員吳卓羲（Ron）、黃宗澤（Bosco）等搞火鍋店，首次投資做生意的Ron坦言只是門外漢，不過有三哥和曾志偉這些強大後盾，期待之餘也信心十足。

吳卓羲昨日現身大圍，為表弟和表弟婦投資的食品店擔任剪綵嘉賓，問到他可有夾份？他笑言純粹行動支持。不過他透露目前正在加拿大度假的三哥曾致電給他，游說合作投資火鍋店，向來只愛食火鍋的Ron聞言也心動，他說︰「我淨係鍾意食火鍋，所以今次預計投資六、七位數啦，幾個人夾，當中預埋Bosco，仲有曾志偉，佢搞開生意，有佢做膽都好穩陣。」

Ron不諱言曾被相士指他今年不宜做生意，但他只是出錢，暫時不沾手的話應該無問題，笑言︰「唔想因為自己搞衰咗盤生意呀！」問他下廚功夫是否到家？他笑謂識得食火鍋和煮即食麵，問他是否希望滾出老婆本？他帶笑點頭。

開第二輯有壓力

談到劇集《飛虎之潛行極戰》在內地點擊率已突破30億，早前該劇監製樂易玲表示有意開拍第二輯，Ron直認今輯有好成績，開拍第二輯就一定有壓力，問他會否趁機要求加人工？他說︰「個個都話我最高人工，Bosco先係最高。」他又「投訴」全劇以自己宣傳最多，幾乎每次有宣傳活動都出現，笑言可利用這個理由提出加薪。

採訪︰Pauline

編輯︰黃卉彤

美術︰梁政敏