陳柏宇約阿King 鬥快追仔對親家

陳柏宇（Jason）和趙勁皓（King）情同兄弟，兩人更夾份投資飲食及健身室生意。巧合的是，King已育有一女，而Jason太太亦是陀Ｂ女，兩人笑言要鬥快追仔，務求對「親家」！

Jason和King去年夾份在銅鑼灣開火鍋店，因生意不俗，近日更在尖沙咀開分店，前晚齊齊出席新店開幕。他們透露開分店投資500萬元，今年底將在荃灣開第三間分店。Jason曾表示要跟阿King學做生意，他笑說︰「原本計劃去學，例如打理生意、裝修，可惜仲未有機會，不過做生意最緊要有好拍檔！」兩人拍住上做生意長達七年，難得他們一直沒有拗撬，阿King大讚Jason︰「我哋從來無錢銀糾紛，柏宇係個超級好人，從來無過問錢銀，對我哋幾個拍檔完全信任，又融入我哋朋友圈，我哋仲計劃緊喺中環開酒吧。」

笑老婆「喇叭口」

問他們會否考慮結拜？他們笑言覺得對親家更有趣，又表示要鬥快追個仔。二人表示彼此相識以來無所不談，阿King說︰「大家個個都『喇叭口』，咩都拎出嚟講，無秘密。」惟獨Jason太太符曉薇陀B未夠三個月時，兄弟均守口如瓶。Jason笑說︰「我哋男人無講過，我老婆係最大『喇叭口』，自己周圍同人講。」

採訪︰Pauline

攝影︰林良明

編輯︰李潔盈

美術︰顏玉玲