全新「魔海奇緣凱旋慶典」 港迪士尼今獨家登場

黛安期待已久嘅香港迪士尼全新互動舞台演出「魔海奇緣凱旋慶典」，今日正式同大家見面啦！聽公關姊妹講，噚日率先舉行嘅預演，SmarTone仲邀請咗近百位SmarTone Plus特選客戶，欣賞全球首次亮相嘅預演。

歷時20分鐘嘅演出非常精采，姊妹話，創意團隊用咗逾一年籌備服裝設計，以太平洋島嶼服飾做藍本，部分服飾更係人手製作，有超過30件道具係專門訂製，希望帶畀觀眾像真度極高嘅慕安娜歷險之旅！而今次表演更希望做到嘉賓同台上演員互動，噚日就邀請咗東涌社區夥伴離島婦聯嘅小朋友一齊體驗互動演出，大家都樂而忘返！

香港迪士尼樂園度假區行政總裁劉永基話，「魔海奇緣凱旋慶典」係全球迪士尼樂園第一個以《魔海奇緣》女英雄慕安娜做主題嘅表演，相信可帶畀遊客嶄新體驗。