捐款樂助公益金 長江集團加碼1.5倍配對

黛安媽咪成日都話，行善積德，人都開心啲。今個星期六（26號）就係「萬眾同心公益金」電視籌款節目，今年長江集團為支持善舉，更以「您捐幾多，長江集團配對捐150%」嘅贊助形式，配對公眾電話認捐嘅100%金額外，仲再額外多捐50%！

公關姊妹話，舊年係香港特區成立20周年，長江集團就突破一向等額配對形式，以120%嘅加碼比例配對公眾捐款，令「公益金及時雨基金」籌款數字創新高，今年適逢香港公益金邁向50周年，長江集團決定再接再厲，將配對比例進一步加碼至150%，一齊共襄善舉。