張振朗食到屙 蕭正楠推翠如做美女廚神

蕭正楠（Edwin）與張振朗主持新一輯《美女廚房》，節目將於本周六晚首播，二人昨日偕18位美女學徒出席宣傳活動。Edwin搞笑指錄影節目後，發現女友黃翠如原來廚藝不俗，更有意推舉女友上節目做廚神！

昨日Edwin與張振朗落力宣傳，另一主持林盛斌（Bob）因有工作在身，加上要照顧兒子而缺席。提到上輯《美女廚房》曾「發掘」不少圈中地獄廚神，今次Edwin搞笑提議將錄影廠主持的椅子改為坐廁，方便他們邊食邊屙。兩位主持早前已錄影一集，可有真的肚屙？張振朗笑說：「真係會食到肚屙，嗰次食咗蝦蟹，第二日即刻屙咗兩次，下次我知點評分。」二人更大爆嘉賓洪永城原來對海鮮敏感，但錄影時吃了不少海鮮，結果因呼吸困難不停「扯蝦」，幸好沒有大礙。Edwin抵死說：「好彩係扯蝦，唔係扯其……他嘢咋！」提到上輯主持梁漢文拍完後消瘦不少，Edwin聞言說：「我都想減肥！」

伍樂怡自認廚藝精湛

Edwin以往經常嘲笑女友黃翠如廚藝差，問他嘗過一班美女學徒的手勢後，對翠如可有改觀？他即說：「佢（翠如）直頭係神，美女廚神呀！如果佢上節目，到時我全部畀10分，我諗無人介意。」他又笑言終於見識到無綫原來有很多女藝員不懂下廚，真是「一窿還有一窿低」。

至於以美女學徒身份亮相的落選港姐伍樂怡（Kelly），自言在加拿大留學時經常煮食，所以對自己的廚藝有信心。她說：「我最拿手三餸一湯，煮中、西餐都可以，最叻係整開心果牛油果焗三文魚，同埋洋蔥煎豬扒、仲有魚香茄子。」

採訪︰Pauline

編輯︰李潔盈

美術︰梁政敏