不擇細流

上星期回家與媽媽吃飯，一踏入門口，阿媽咪咪嘴笑，身後面藏着不知道甚麼東西，向我走來。

原以為她藏着的是餐前小食，為今晚加餸，豈料她卻抽出一個玻璃膽的暖水壺，我不明所以，媽媽亢奮地說︰「你睇清楚呢個壺邊個送嘅？」細看之下，壺上寫有「長江不擇細流」這金句，原來是退而不休的李嘉誠先生送的！

「上個禮拜四去長江個股東大會，不知幾熱鬧，我諗有成三四千人去啊！誠哥送每位股東同記者一人一個暖水壺，話係佢自掏腰包特製㗎！」

望見阿媽興奮的樣子，不禁佩服李嘉誠的魅力，不論三歲定八十，都對他敬愛有加。

另一樣令阿媽笑逐顏開的事情，當然少不了李嘉誠在股東大會上的一席話︰「如無意外，未來股息會有增無減。」母親豪邁地說︰「所以我一定會長揸，唔會放手㗎，哈哈哈！」「阿媽，你有無聽清楚誠哥講㗎，係『如無意外』啊！經濟環境無大變化先會有增無減咋。」

幸好媽媽還保留一點理性，知道世事難料，環球經濟更加難料，回我一句︰「咁梗係啦，你當我傻㗎咩！」

（本欄逢周一刊登）