擔心拍《飛虎》續集收視低 Bosco怕無面

黃宗澤（Bosco）、吳卓羲及王敏奕等一班新劇《飛虎之潛行極戰》演員，昨晚拉隊到尖沙咀出席慶功宴，慶祝該劇網上平台播放量突破32.6億，無綫myTV SUPER總瀏覽量亦突破980萬（截至5月27日），成績彪炳。對於獲封為無綫「福將」，Bosco表示︰「托賴，希望個劇收視同點擊都直綫上升。（會拍續集？）以我所知籌備中，但對續集收視有非常大壓力，萬一續集唔達標或過低，我真係顏面何存。」問他會否為保收視繼續除衫騷肌？Bosco笑言︰「唉，依家男人拍劇，除衫係必定，例行公事。」

吳卓羲對於被封收視「福將」，表示要多謝苗僑偉（三哥）帶挈，他說︰「當日佢話會參與呢套劇，就拉埋我齊齊拍。」吳卓羲更大爆九月開拍續集，他希望屆時天氣不要太熱，卓羲笑言︰「但冬天拍又唔得，拍除衫戲起雞皮會好核突，因為呢啲戲少不免會除衫，如果三哥肯除，我同Bosco就一齊除。」至於王敏奕昨晚則承認與男友曾國祥進駐貝沙灣三千萬豪宅，但她澄清︰「我哋係租，唔係買。（計劃結婚？）我哋拍拖四、五年，但未係時候。」

採訪︰Pauline

攝影︰林良明