阿嬌送花球催婚 阿Sa感動︰嫁人順其自然

蔡卓妍（阿Sa）、衛詩雅、徐天佑及黃又南昨日於尖沙咀太空館出席電影《再見UFO》開鏡儀式。日前在洛杉磯出席好姊妹鍾欣潼（阿嬌）結婚派對的阿Sa，談到新娘子刻意將花球交給她，似催促她早日出嫁，阿Sa只一直帶笑遊花園。

阿Sa昨日明顯睡眼惺忪，她笑指Jet lag十分嚴重，幸好這場戲講述她見工失敗，所以樣子懵懵地也可。提到阿嬌在婚禮派對上，親手將花球交給阿Sa，是否想好姊妹快點嫁？阿Sa笑指︰「完全無諗過出去搶花球，當時場景好奇怪，容祖兒喺後面夾住我，Yumiko（鄭希怡）就喺遠處𥄫實，好似一早夾定，但過程真係很感動。（被睇好下一個出嫁？）唔好咁講，順其自然啦。」阿Sa因出席阿嬌的婚禮派對，錯過跟百億闊少男友石恆聰慶祝生日，她自言返港後已與男友食飯補祝，亦一早送定禮物，她得戚說︰「我哋呢啲醒目㗎嘛！」

談到新戲故事以UFO為主題，阿Sa自言希望遇上UFO。「我成日聽夏韶聲講UFO，如果見到都唔會驚。我好鍾意睇歷史，好似金字塔、秘魯馬丘比丘，我以前同阿嬌講過想一齊去百慕達。」阿嬌做人妻後無時間陪她去？她笑說：「佢唔係咁嘅人。」

又南飲齋啡減磅

同場的天佑和又南，是繼《這個夏天有異性》後，相隔16年再與阿Sa合作拍電影。天佑在戲中跟衛詩雅有激情戲，他說：「套戲講80年代情懷，以為會純真啲，但後尾導演話要加場激情戲，仲問我有無得操下肌肉。」。至於又南因角色患重病，所以要努力減磅：「我已經兩日無食嘢，淨係飲齋啡，依家已經有啲胃痛。」

採訪︰Pauline

編輯︰李潔盈

美術︰梁政敏