會展美酒展覽 嘗環球佳釀

2018年國際葡萄酒與烈酒展覽會（Vinexpo）噚日起一連3日喺灣仔會展舉行，來自全球33個國家、1,300個參展商參加，唔少參展商仲睇好香港作為轉口港，有信心生意可以愈做愈好！

其中一個參展商環球佳釀嘅公關姊妹話，香港係酒類「貿易港口」，唔止內地，甚至日韓都有不同嘅葡萄酒由香港轉口，據貿發局數據顯示，今年首季香港進口烈酒同葡萄酒就有21萬千升，增加29.2%，價值$10億美金，增長32.4%，再加上港人本身喺烈酒同葡萄酒嘅消費能力都好强，非常睇好前景。

另外，有澳洲酒商都話，香港係一個多元化市場，嚟到香港參展可開拓更多客源，而香港人對品酒愈來愈有興趣，預計生意可增加10%至20%。