去荷里活廣場 尋寶島食玩優惠

又係時候計劃吓暑假行程啦！公關姐妹就話，今個星期六、日，喺鑽石山荷里活廣場會舉行嘅「台灣好住好玩！農莊民宿節@荷里活廣場」活動，將寶島嘅農莊文化帶到香港，仲搜羅咗唔同旅行社遊台優惠同18間民宿資訊，啱曬啊！

姊妹話，今次活動係同台灣觀光協會、鑽石山荷里活廣場、台灣休閒農業發展協會同台灣民宿聯合總會合作，帶嚟台灣屏東名產文心蘭做布置，又有夜市最受歡迎嘅「套圈圈」攤位遊戲，同埋來自台灣各地嘅魔術、氣球、唱說故事達人同樂隊等表演。仲有10間全台灣最頂級嘅休閒農莊，以鮮花、生津美果同新鮮海產，即席炮製解暑美食。

最吸引嘅莫過於現場有旅行社推出嘅遊台超值優惠，同18間民宿嘅主人親自推介入住資訊，簡直係懶人恩物，一次過滿足所有願望！