力證與何雁詩情不變 鄭俊弘︰好穩定

鄭俊弘（Fred）自從去年與何雁詩高調認愛後，卻一直屢傳分手；日前兩人被拍得同枱食飯卻各自玩手機，再惹「分」訊，剛好兩人昨日分別現身公開活動，均異口同聲否認情變。

鄭俊弘昨日與菊梓喬擔任無綫《Big Big小明星2018》之「全城起動日」活動評判，Fred直言有一位「迷你版GD」很犀利，大讚對方活潑可愛。擔任評判有甚麼準則？Fred表示︰「會睇佢喺台上係咪享受，或者係咪父母迫佢參加。」

對於與女友同枱食飯零交流，只顧各自玩手機，難道感情有暗湧？Fred解釋︰「咁都好正常，睇下手機啫，無嘢嘅！（經常被傳分手？）我哋日前一齊畀記者影到，都好穩定，無咩事發生。」另一邊廂，何雁詩出席adidas眼鏡活動時亦稱︰「（睇手機）好正常，大家好舒服，拍拖唔一定要好多嘢講，開心就夠。」

否認做野蠻女友

曾是香港高爾夫球代表的何雁詩早前復出參賽，由於要不停到戶外練習，皮膚曬得比男友還要黑，她笑言︰「我有幾黑，咪代表我有幾勤力練波！」而在稍後播出的新劇《天命》中飾演公主，何雁詩自言現實中都是公主，男友就係皇室成員，不過她強調︰「現實中我係無公主病，亦都唔係野蠻女友。」

撰文︰倪小珊

編輯︰陳禮恒

美術︰梁政敏