H&M同理大生合作 推可持續發展時裝

近年Fashion界推廣可持續發展，鼓勵唔好着完即棄。H&M最近首次同香港本地院校合作，用剩餘嘅紡織物或棄置衫褲，製作咗23件可一年365日着嘅跨季時裝，呢個系列即日起至下周一，會喺H&M銅鑼灣旗艦店櫥窗展出！

公關姊妹話，H&M同23位修讀理大時裝設計課程嘅碩士生合作，透過可持續發展概念，以零廢棄、變化設計、實用性、可跨越時間嘅品質，利用剩餘嘅紡織物或棄置衫褲，製作出「Clothes we live in」嘅365+1系列，一共有23件作品。呢個系列嘅特別之處，係全部衫都可以mix & match，而且一年365日都着得，唔受季節、潮流限制。非常貼地咁做到襟着又襟睇！

H&M一直都重視環保同可持續發展，4月就推出第7屆以可持續發展物料製作嘅H&M Conscious Exclusive系列，第一次用全新可持續發展物料ECONYL®纖維，呢個物料係用回收返嚟嘅漁網，同其他尼龍廢料製成嘅100%再生尼龍纖維，夠晒環保。