港產Rapper MastaMic看人生百態

有人稱MastaMic（馬米）為「香港第一快嘴」嘅Rapper，2013年推出的專輯《流行反擊戰》，以流行歌的模式和說唱諷刺時弊的歌詞，成功將Hip Hop帶入香港。他說︰「有啲嘢我做過，但我要做得更加好更加精。」花了五年時間，今年他終於推出新專輯《MASTAPIECE》。

馬米自言不太喜歡重複做一件事，所以花時間去想新方向和突破自己的舊作，「我想做一個可以『經典』後世嘅作品，但後來亦喺度諗，其實自己控制唔到，因為經唔經典係人哋講㗎嘛，自己能夠做嘅，就係超越自己。」好像新歌《Fire》，節奏密度比《Hate Me》更高，咬字也相對更清晰。他續說挑戰自己過去不擅長的事，和將新舊元素融入為一首歌，也是錄製新碟的方向。

突破自己過去

過去十年，馬米總會在年頭推出《HK Rap Up》系列，總結過去一年的香港大事，但他坦言心態上的轉變，已經過了寫新聞的階段，現時作品主要講述一件事的本質，他說整張專輯寫得最滿意的歌詞是《I.A.D.》，「我講成個網絡生態，即係人與人距離愈來愈近，就越有距離感；將成個生態寫出嚟，係我鍾意嘅感覺。」同時他希望別人因為自己的作品，有興趣認識新事物：「譬如《破地獄》，有好多朋友因為呢隻歌去了解破地獄係咩一回事，其實真正文化傳承係咁嚟。」

馬米表示曾經想在香港推動Hip Hop，但漸漸明白不能勉強，因為Hip Hop本來就不屬於華人文化的思考中心。「華人成日講家和萬事興，家衰口不停，你點會互相鬧㗎。佢哋（西方）就不停互鬧囉，即係佢哋成個文化、邏輯嘅根基係兩樣嘢嚟。」現時Hip Hop對他來說是一種載體，比起讓更多人認識它，他較希望透過自己音樂影響別人：「我由無可能變有可能，喂我同你哋一樣，我仲有機會做到自己鍾意嘅嘢，咁其實你哋都得。」

箇中文化價值

問到為何那麼強調文化，馬米不加思索說︰「文化係人嘅底蘊，係群眾或一個民族嘅根底。」他解釋當認識了一個文化，便能夠從中獲得啟發，Hip Hop的歷史就是將不可能變成可能，亦因此啟發了他的價值觀。好像過去別人認為他唱Freestyle會失敗、離開唱片公司獨立發展不會成功，或者不可能自資在麥花臣開演唱會，最終他一一做到，證明給那些曾經看輕他的人，「我唔會覺得嗰樣嘢無可能就唔去做。」他透露，每當留意到自己的見識不足，便會重新學習。

撰文︰李詩慧

攝影︰林良明

編輯︰黃寶恩、黃卉彤

美術︰顏玉玲