【聲明】港生活網站並無進行電話推廣活動

港青首奪英國皇家飛行大獎

發佈時間: 2018/06/12

黛安一直覺得飛機師好叻好型,就好似劇集裏面嘅「Sam哥」同「Cool魔」咁,但原來現實中一樣有。28歲香港青年張敬龍成為歷來首位奪得愛丁堡公爵菲利普親王飛行大獎(Air League HRH Prince Philip Duke of Edinburgh Flying Bursaries)嘅香港飛行員,呢個獎係為咗嘉許有優秀飛行技能、領導才能同埋喺飛行理論中得到優異成績嘅傑出飛行員,認真厲害!

黛安知道,佢先後喺波蘭同英國嘅飛行學校創立飛行學員輔導計劃,指導有抱負成為民航飛行員嘅學生,計劃成立至今已幫咗超過1千位唔同國籍嘅飛行員。佢依家喺一間歐洲航空集團擔任副機長,亦係集團首位華人飛機師。佢希望能夠喺不久將來返香港工作,服務香港嘅旅客,亦希望激發更多年輕人回饋社會,同埋最緊要係唔好放棄追求理想!

黛安覺得佢除咗叻,仲充滿正能量呀!

撰文: 黛安 消息特靈八卦公關
欄名: 八卦名利場