「極地跑手」好爸爸 跑入迪士尼陪囡囡齊運動

星期日就係父親節，大家諗到點同爸爸慶祝未呢？黛安早排就識咗個好爸爸盧俊賢（Steve），由財務策劃師變身成「極地跑手」，參加過南北極、撒哈拉沙漠等多項極地賽事，仲係首位榮獲「馬拉松大滿貫」嘅港人。由於Steve平時花好多時間做體能訓練，少咗時間同家人相處，而囡囡、老婆都鍾意迪士尼人物，為咗同家人更多相處時間，同埋一齊享受跑步樂趣，所以決定參加今年「香港迪士尼跑步活動10K Weekend」，今個父親節仲計劃去迪士尼嘅酒店同屋企人慶祝。

Steve同黛安講，由2012年開始參加極地馬拉松，於2年內先後完成撒哈拉沙漠、北極、南極等多項極地賽事，回港後將有關經歷跟唔同人士分享，傳遞正能量。但極地賽事都係Steve一人參加，少有機會與囡囡、老婆一齊跑步，咁啱佢囡囡自小就好鍾意Mickey、Minnie等迪士尼人物，所以希望透過跑步活動，增加親子互動機會，同時希望可藉此培養囡囡嘅耐性同運動習慣。

下周四起 辦Pixar水花大街派對

迪士尼公關姊妹同黛安講，「香港迪士尼跑步活動10K Weekend」會喺今年11月初舉行，活動喺迪士尼樂園度假區內進行，路綫設計貫穿成個度假區、賽道平坦、沿途設有適量水站。黛安聽咗，都打算報名參加！

黛安仲知道，下星期四（21日）至9月2日，迪士尼樂園嘅美國小鎮大街會舉行「Pixar水花大街派對」，《超人特工隊2》將會喺7月上映，電影內嘅超級英雄家族成員，包括超能先生同太太等，都會現身喺明日世界，各位粉絲密切期待啦。

父親節入住酒店 可參加手藝活動

今個父親節（16-17/6）入住香港迪士尼樂園度假區3間酒店嘅賓客，仲可以參加「康樂部手工藝製作」活動，一齊整個「超能先生磁石相架」送畀爸爸。