睇靚景兼瘦身 「為食跑」捐卡路里

黛安一直都有參加由社企「膳動衡」主辦嘅慈善活動「為食跑」，因為可一次過滿足3個願望，包括做運動、做善事同睇靚景。第4屆嘅活動會喺10月14日（星期日）上晝舉行，由即日起至9月14日可以報名喇！參加者喺活動裏面所消耗嘅卡路里，就會被轉化為同等卡路里嘅食糧，再捐畀「齊惜福」。

今年為食跑主題係「水果」，除咗跑步，現場仲有好多水果提供畀參加者！比賽設2公里兒童個人、4公里個人／親子同埋10公里個人／團隊組別，每組仲設有「最扮嘢大獎」，參加者可以依照主題盡情扮鬼扮馬，跑嘅過程會途經將軍澳海旁，可以遠眺港島東沿岸嘅靚景，有興趣嘅姊妹可以去http://www.foodsport.com.hk/hungerrun2018-home-chi報名。