「姊妹檔」出騷 倪晨曦湯洛雯靠撞樣搵食

湯洛雯（靚湯）、倪晨曦（Elva）兩位靚女因「撞樣」而成為網上熱話，難得她們本身亦甚為老友，昨日雙雙出席品牌活動時，更刻意以孖女打扮襯托對方，又笑言可以有錢齊齊搵。

靚湯、Elva、衞詩、鄧穎芝及林子萱等昨日出席手袋活動，靚湯及Elva首次以「異父異母姊妹檔」現身，二人活動前特地夾好髮型及衣着，不過靚湯笑言因溝通上有少少誤會，所以二人紮辮的效果不太一樣。

二人各自有親妹妹，靚湯表示跟妹妹湯樂瑤相差九歲，提到妹妹經常放性感照上網派福利，靚湯笑說：「自從我同妹妹拍廣告後，公司男同事成日問我幾時帶妹妹出嚟。」問到妹妹會否入行做明星？靚湯則指妹妹怕醜：「其實我幾乎跪喺度求佢，仲應承畀埋我份酬勞佢，佢先肯同我拍廣告。不過最後我當然走數，但有送禮物畀佢。」

稍後靚湯將與朱千雪到北海道拍節目，屆時二人會浸溫泉，靚湯笑言監製知道她和千雪都不擅長騷身材，所以屆時最多只會露膊拍攝，不會有性感演出。

親妹怕醜不願入行

至於Elva則有一位孖生細妹，提到靚湯比孖生妹妹更似自己，Elva笑說：「我同妹妹真係孖生嘅，佢無因為我同靚湯『撞樣』唔開心，反而仲多咗人關注妹妹IG。」她指妹妹在加拿大生活，也無意入行做明星：「因為佢係怕醜型，比我更加斯文，同埋已經有兩位小朋友。」

採訪︰Pauline

編輯：李潔盈

美術：梁政敏