稱大阪地震「好得意」 傅嘉莉知衰公開道歉

日本大阪府北部昨早發生6.1級強烈地震，傅嘉莉（Kelly）、阮小儀、金剛及衛志豪正身處日本關西拍無綫節目《街坊廚神》，幸好平安無事。不過Kelly在網上分享地震消息時，口快快笑稱地震新聞「好得意」，令她急急刪Po兼道歉。

身在日本姬路的Kelly，昨早在IG Story拍攝當地電視新聞畫面，並說︰「好得意呀啲新聞，畫面喺度震㗎，好搞笑，我哋頭先應該係feel到！」不過她隨後即刪Po，並留言公開道歉︰「對唔住！引嚟咁大的誤會，係我唔識表達，唔夠智慧，無危機意識。之後再睇新聞知道有傷亡，先意識到這是一場很嚴重的天災……天佑大阪」。而她回覆傳媒時，表示在睡夢中被警報嘈醒，也感受輕微震動，幸好眾人平安。

繼續拍攝節目

同行的小儀亦在IG留言報平安，她說︰「今早（昨早）有感覺到地震，我們這地區震度是4級，的確有點恐怖，但我們都安全，不用擔心。我們拍攝繼續進行中！祝願大阪各人平安！」

撰文︰Pauline

編輯︰李潔盈

美術︰陳超雄