【聲明】港生活網站並無進行電話推廣活動

黎明×EPS拍廣告 大談人生哲理

發佈時間: 2018/06/21

黛安出街買嘢經常都用EPS,方便之餘仲可以攞埋錢。最近就收到風,黎天王(Leon)第一次同EPS合作,幫佢哋拍咗個新廣告宣傳片,造型百變,仲好貼地講到香港人面對嘅世紀大難題,非常期待廣告出街啊!

聽公關姊妹講,Leon喺廣告入面飾演好多角色,包括苦思每對情侶都會面對嘅世紀大難題,就係結婚先定買樓先?聽講呢個問題,都考起黎天王!而喺廣告尾段,Leon就用咗「EPS提款易」服務,一次過購物兼提款,正正表達出今次廣告主題「買嘢攞錢一齊先」。Leon話,生活中要做好多抉擇,好彩用「EPS提款易」就可以滿足晒購物同提款嘅願望,令生活變得更簡單同輕鬆。

黛安非常羡慕好姊妹可以近距離見到Leon,佢話Leon拍廣告時好專業,唔單止喺鏡頭前落力演出,鏡頭後都經常參與討論,務求做到最好!而大家都知Leon一向都好多金句,今次都唔例外,佢仲大讚EPS提款易「夠晒好」,仲話︰「『好』同『唔錯』係差好遠,只要有距離嘅嘢都可以被無限放大。」

撰文: 黛安 消息特靈八卦公關
欄名: 八卦名利場