陳法拉荷里活密密試鏡

陳法拉在紐約攻讀碩士戲劇課程畢業，前晚在港出席品牌概念店開幕活動，她透露已跟美國金牌經理人Brian Swardstrom簽約，正式進軍荷里活，預計九月開戲。

陳法拉表示最快九月會演出一部美國電影，但詳情未可以透露︰「之前試過合約都傾埋，但最後又無咗，所以開機拍攝嗰日先當真，唔好興奮得太早。」法拉笑言現在似一個新人，當遇到有興趣的劇本就去試鏡。

今次留港三日便返美國，法拉說日後有工作再回來。她坦言每次返港最不捨得愛貓，問到男友會否代她照顧貓咪？法拉回應︰「男友會餵佢，但屋企長期無人，隻貓會唔開心，如果我真係返港拍戲就要帶隻貓返嚟。（你擔心隻貓仲多過男朋友？）梗係啦！人識照顧自己，但貓要人照顧呀。」

撰文︰Pauline

攝影：林良明

編輯：陳禮恒

美術：顏玉玲