樂壇屹立不倒為目標 欣宜恨攞金針獎

鄭欣宜昨日與菊梓喬及胡鴻鈞等出席《全球華語金曲獎2018》記者會，眾人皆獲頒「傑出年輕歌手/偶像獎」，不過今年31歲的欣宜，竟出奇地表示恨攞金針獎，十分搞笑。

昨日的記者會上，大會頒發百年巨星紀念大獎給今年60歲冥壽的陳百強，並由他的舅父姚德華及陳百強紀念館長謝敏潼代領。

欣宜很開心獲獎，她表示︰「趁仲有少少青春剩，可以得到呢個獎，過多幾年可能無資格攞。（期待攞金針獎？）呢個獎起碼要入行20幾年先攞到，證明自己仲屹立不倒，咁梗係想攞啦。」她又指自己23歲才做歌手，比其他歌手遲入行，但今年四月已進軍紅館開騷，絕對是人生勝利組，欣宜笑言︰「係型嘅，我喺音樂路上算係好幸運。」

菊梓喬無懼封「地獄廚神」

而身穿低胸吊帶裙亮相的菊梓喬，笑指自己跟性感這兩個字距離很遠，她說︰「我鍾意自己A4身材，骨感好正。」提到在《美女廚房》中被封「地獄廚神」，菊梓喬笑言︰「最後竟然唔係負分，反而有啲失望。（驚影響嫁人？）唔驚，仲有其他優點，我心地好，唱歌又好聽。」

撰文︰倪小珊

攝影︰林良明

編輯︰黃寶恩

美術︰梁政敏