黛安
黛安

富衛保險 推世界杯彈性上班

發佈時間: 2018/07/12

富衛保險 推世界杯彈性上班

世界杯就嚟到尾聲,連黛安都非常緊張賽果,就算星期一要返工,但嚟緊星期日晚嘅決賽又點可以錯過呢!黛安其實好羡慕有啲公司嘅彈性上班政策,好似富衛保險管理層,就一早推出「FWD世界杯彈性上班方案」,方便員工世界杯期間睇完波,可以一齊晏啲返工。

公關姊妹就話,其實巴西政府為咗畀民眾幫國家選手打氣,只要係國家隊出賽嘅日子,公務員只需要返半日工。雖然巴西隊無緣晉級,但就睇到國家嘅團結。黛安知道,富衛保險嘅彈性上班時間,就提供咗3個上班時段,包括上午10點、10點半同11點,除咗已按輪班制工作嘅前綫員工外,大部分同事們都可以晏啲返工。

姊妹仲話,管理層推出呢個方案後,同事們非常興奮,包括出名熱愛足球,仲喺英格蘭球迷嘅富衛保險首席市務總監謝振國(Paul),都齊齊支持公司政策,實行睇波返工兩不誤!

撰文: 黛安 消息特靈八卦公關
欄名: 八卦名利場