小試牛刀拍MV 王菀之恨做電影導演

王菀之（Ivana）昨日到商台宣傳新歌《沉默的士高》，她今次親自執導新歌MV，更找來梁祖堯等好友演出。原來Ivana夢想做電影導演，所以先執導MV試水溫。

原來王菀之已第三次執導MV，她說︰「今次拍攝陣容係電影級，我好想將來可以執導電影。」她透露今次在邵氏拍足22小時，又邀得八位電影及舞台劇演員合作，包括梁祖堯、蝦頭（楊詩敏）、湯駿業等。她說：「我做舞台劇識到佢哋，今次拍得好順利，十足電影一樣。不過今次MV製作費好貴，喺平時嘅五倍，當然部分係畀演員少少片酬啦。」

另外，Ivana下月底舉行兩場音樂會，主題與旅行有關。她說︰「我啱啱同老公（Eric So）去完意大利返嚟，每次返嚟都有新歌靈感，所以今次個騷會同旅行有關，就似旅行音樂遊記咁分享。」

撰文︰Pauline

編輯︰李潔盈

美術︰顏玉玲