勵德邨攝影遊

周末到勵德邨探望朋友，一落小巴便有一幅色彩繽紛的壁畫映入眼簾，畫內的Chocolate Rain公仔、甚至旁邊的卡通太陽都笑逐顏開，睇見都覺得開心。原來香港房屋協會適逢今年成立70周年，與Chocolate Rain的創辦人麥雅端合作，為房協轄下的屋邨繪上壁畫，並由房協同事和居民一同塗顏色。

這次來到勵德邨，除了探望朋友，其實還有一項任務，就是試一試新手機的拍攝功能。既然見到這麼令人歡愉的壁畫，當然要影相「呃like」啦！朋友話房協正舉辦壁畫攝影比賽，推廣「長幼共融」信息，得獎者仲會有現金券㖭！今個禮拜日就截止，我有靚相在手，當然要湊湊熱鬧！

勵德邨富有建築特色，更是香港唯一的圓形公屋！由地下抬頭望上天空，會看到由每一層圓形單位組成，一圈圈像漩渦形狀的景觀，而漩渦的盡頭，就是萬里晴空！隨意一拍都令人嘆為觀止！

爬上爬落去影相，好快就肚餓，於是到茶餐廳吃件西多士，飲杯熱奶茶。結帳時朋友用一張現金券找數，原來是房協贈送給居民的「萬家同享70賞」現金代用券，每人有70蚊，可以用於房協屋邨內的餐廳和商店，居民受益，東主受惠，一舉兩得！

（本欄逢周一刊登）