20位準港姐見傳媒 丁子田何泳芍獲封頂頭大熱

《2018香港小姐競選》決賽將於下月26日隆重舉行，昨日大會率先安排20位入圍候選佳麗首次正式會晤新聞界，獲張堅庭提名的7號丁子田及14號「美人魚」何泳芍被封為大熱門，二人信心十足，丁子田更自爆為選港姐而跟男友分手！

任職藥劑顧問的7號丁子田，由美國隻身返港參選，她自爆為選港姐，跟拍拖五年的男友分手。她說：「我哋係和平分手，結束當然可惜，但異地戀好難維持，大家各自為事業努力。」

至於擁有一身蜜糖色肌膚的14號何泳芍獲外界睇好，但她笑指媽咪對她沒信心：「媽咪覺得全港咁多靚女，我憑乜嘢入到決賽，但佢都支持我，煮健康食物畀我。」任潛水教練的她身材Fit爆，她坦言不擔心泳裝環節，又大讚其他佳麗身材甚佳。

今屆佳麗學歷不俗，3號楊致欣及5號鞏姿希同為碩士生；年齡方面，最年長為26歲的2號庄嘉慧，最年輕是20歲的19號楊帆。

19號楊帆唔慣濃粧

正在大學修讀金融分析的楊帆被列入「索女組」，她現時積極減肥：「已經減咗五磅，好耐無食飯。」來自貴州的她說話略帶鄉音，昨日化上濃粧感覺十分成熟，她坦言不習慣濃粧艷抹，會再與化粧師溝通一下。

撰文︰Pauline

編輯：李潔盈

美術：梁政敏