黛安
黛安

盧覓雪×葉永華 首推「風花雪玥」月餅

發佈時間: 2018/07/24

盧覓雪×葉永華 首推「風花雪玥」月餅

黛安啱啱收到今年嘅第一盒月餅,就係美食鑑賞家盧覓雪(Michelle),同皇玥集團旗下皇玥餅藝,首度合作推出個人品牌月餅系列「風花雪玥」。

收到呢份特別禮物之後,黛安都忍唔住即刻同同事一齊開心share,因為皇玥餅藝嘅靈魂人物,就係風靡全港嘅半島嘉麟樓迷你奶皇月餅創始人葉永華師傅。

葉師傅入行逾50年,喺半島嘉麟樓擔任點心部主管超過30年。係80年代,葉師傅希望創造一款與別不同嘅月餅,經過不斷嘗試,最後以西式奶皇作餡,牛油皮做餅皮,成功獨創中西合璧嘅迷你奶皇月餅!今次唔使搶就食到葉師傅主理嘅月餅,好有口福!

聽Michelle講,今次葉師傅同Michelle經過半年時間研究,終於研發咗迷你精選月餅同迷你奶皇月餅兩款,每盒各8件,精選月餅仲有4種口味,包括伍仁、紫薯、芝士月餅等,啱晒為食人士。另外,葉師傅今次是經過上百次試味同調整,首次創出流心芝麻月餅,口感嫩滑,啖啖香濃黑芝麻味,食到停唔到口!

撰文: 黛安 消息特靈八卦公關
欄名: 八卦名利場