一提戀情即怕醜 阿Sa唔認男友係最佳旅伴

蔡卓妍（阿Sa）自從與男友石恆聰（Anthony）拍拖以來，一直低調護愛，不過昨日阿Sa和林海峰（阿Jan）出席旅行用品活動時，席上多番被阿Jan取笑戀情，令她哭笑不得！

阿Sa和阿Jan昨日在活動上，談到誰是最佳旅遊伴侶，阿Sa沒有提到男友，反而示意是老友容祖兒。大會隨後安排二人即場印製個人名牌，阿Jan抵死說︰「阿Sa可以印ASA，可以代表A Sa，又可以係Anthony，我成日見佢（石恆聰）拖着你……個篋。」

Jan對女兒寬鬆

問阿Jan是否經常見到石恆聰？他說︰「睇相咋！同一般市民、讀者一樣。（想見阿Sa男友真人？）佢（阿Sa）想見多啲。」阿Sa聞言一臉尷尬，問她何不揀選男友做最佳旅遊伴侶？她坦言覺得不好意思，又笑言自己百搭，跟任何人都可去旅行，阿Jan又插口︰「不過固定就一個！」

阿Jan指自己的旅行腳是家人：「隨住唔同年紀，有啲腳（女兒）會自己去玩。」如果女兒與男仔去旅行，要先給他過目？他笑說：「機場呀？我又唔係移民局，我哋出入境好寬鬆。」他又將話題扯到阿Sa身上，令女方不禁說︰「我依家好Hot呀！」Jan講笑說︰「我邊會令到妳最Hot吖，我又唔係妳最佳旅遊伴侶！」

採訪︰Pauline

編輯：李潔盈

美術：顏玉玲