《奪命証人》前晚首演 嘉玲話偉仔睇得好Enjoy

劉嘉玲、謝君豪及秦沛（Paul哥）合演舞台劇《奪命証人》，前晚在灣仔演藝學院順利完成首場演出，獲不少圈中好友捧場。嘉玲老公梁朝偉匆匆進場，未獲安排訪問，當中場休息時遇到記者，只簡單表示嘉玲演得好，貫徹其低調作風。

舞台劇首演完騷後，大會即場宣布好消息，《奪命証人》將再加開兩場，總共演出17場。嘉玲表示整個劇目準備工夫好漫長，甚至有點折磨，但對於喜歡接受挑戰的她，覺得這樣才好玩。

梁朝偉早前宣布離開澤東，改由劉嘉玲暫代經理人，前晚他特地捧場，嘉玲直言︰「佢睇得好Enjoy。」不過偉仔低調入場，在中場休息時亦只簡單回應記者，表示嘉玲演得好好。嘉玲聞言即場「護夫」︰「今日的確唔關佢事，正如佢嘅電影慶功，我無理由走出去做主角一樣。」之前嘉玲已透露偉仔有興趣演舞台劇︰「佢話除咗我嘅角色，個個角色都好想演，佢可以試下做旁白，又或者謝君豪個角色。」君豪笑言連偉仔都演埋一份的話，自己就做旁白好了。

秦沛笑君豪享盡艷福

嘉玲不忘大讚對手謝君豪好戲，連Paul哥也插嘴︰「一睇就知佢個角色唔係好人，佢喺劇中享盡艷福，同多位女角有對手戲。」Paul哥首次參與舞台劇，坦言做完一場騷好攰，更謙稱︰「我已經盡力做，最怕台下觀眾無反應，結果都好好呀！」

撰文︰Pauline

編輯︰陳禮恒

美術︰梁政敏