星期日去BB展 中醫教產後進補調養

最近電視劇集《BB來了》大熱，更成為黛安姊妹們茶餘飯後嘅話題，尤其係新手媽媽餵母乳嘅辛酸、坐月時眠乾睡濕照顧BB，仲有照顧新成員遇到嘅婆媳爭拗，真係有排都講唔完。做媽媽嘅辛勞真係非筆墨可形容，處理得唔好更加會隨時患上產後抑鬱。黛安知道鴻福堂喺嚟緊星期日（8月5日），喺灣仔會展嘅「第26屆國際嬰兒、兒童用品博覽」，將以身心靈健康角度，緩解新手媽媽產前產後嘅種種疑惑。

黛安仲知道，現場有註冊中醫李廣冀分享坐月食療、進補和調養心得，仲會糾正坊間常見謬誤，希望幫產後媽媽「精明」坐月。鴻福堂仲請嚟香港基督教女青年會輔導員謝韻姿，分享輔導產後媽媽情緒嘅心得。黛安聽人講，原來平均有逾3成嘅婦女在產後會情緒低落，謝姑娘到時就會教準媽媽認識產後低鬱期症狀、點樣預防同紓緩情緒，希望幫新手爸媽順利度過低潮。黛安都要mark低資料，share畀身邊嘅準媽媽老友先。