長江集團及李嘉誠基金會 捐1000萬予公益金

公益金今年50周年，長江集團聯同李嘉誠基金會特別向公益金捐款1,000萬元。長江集團主席暨李嘉誠基金會副主席李澤鉅（Victor）話，公益金多年服務香港成績有目共睹，集團過去一直支持公益金，希望呢筆捐款有助公益金繼續推行更多惠澤社群嘅慈善項目。

黛安知道，長江集團已連續19度蟬聯公益金3大最高籌款機構之一。其實，除咗踴躍捐款外，長江集團自1999年已率先啟動「長江捐款熱綫」，自2005年起13度以配對電話認捐嘅形式為「及時雨基金」籌款。

黛安一直都好支持行善助人，希望呢筆善款嚟緊可以幫到香港更多有需要嘅人，令社會更和諧。