《行動代號︰特工eX》好搞笑！

暑假檔壓軸西片《行動代號︰特工eX》下星期上畫，內容講一對閨密相依為命，生活dry爆，其中一人的靚仔前男友原來是CIA特務，因取得高度機密USB而招殺手入香閨殺人，搞出人命，兩女水洗不清，惟有帶着USB由洛杉磯逃命到歐洲，沿途被美國中情局及英國軍情六處追捕，同時被東歐殺手追殺。宅女一夜速成變特務，走勻歐洲大城市，展開瘋狂亡命之旅，過程緊張刺激，好似80年代周星馳電影一樣咁癲喪，同時又可欣賞歐洲景色。

兩女主角Mila Kunis和Kate McKinnon在片中扮鬼扮馬，演得夠放，很多爆笑gag，引得觀眾大笑。另一搶鏡角色是扮演女殺手的烏克蘭演員Ivanna Sakhno，她身形瘦削，造型cool爆，眼神凌厲，令人不寒而慄，她是器械操高手，在戲中顯盡身手，帶來驚喜。動作搞笑戲少有由女人孭重飛，更找來女導演Susanna Fogel執導，處理槍擊和瘋狂搞笑場面有她一手，比起男導演有過之而無不及。

（本欄逢周一、三、五刊登）